الصبح
ريحة اليود
بتهز كيانى
وبتركن ف زوايا
الروح
وانا ف الصمت
باخبى اسايا
المفضوح
وبادارى ف جرحى
المفتوح
الليل
مسكون
بقمر مقسوم
ونجوم بتحوم
والروح قلقانة
بالصمت اللى معشش
جواها
محتاجة البوح
والبوح مشوار محفوف
بجروح
ف الفجر
باتهز
وباترنح
من كتر الخوف
م الريح الهوج
وانين الموج
بيسد ودانى
لكن وجدانى
بيردد جوايا
ادانى
واسبح ف خيالى
ف سكون ربانى
وافلت بهدوء
من دايرة زمنى
الموبوء
حسن @hwahba1
الوان جواش واقلام ملونة
على ورق كانسون
50*35 سم
القاهرة 2021
تعليقات
إرسال تعليق
أترك تعليق