كان خضار ف قلوبنا يانع
شق مجرى م المنابع
عتمة البهتان خرافة
في مواجهة فجر ساطع
الربوع جادت بناسها
روعة الصورة ف ونسها
والأمان واحة قلوبنا
اللي كات محتاجه مرسى
جبر زادنا عيش وميه
واحنا بنغني لبهيه
كنا جمهور أو طليعة
كنا أنصار القضية
بجنحاته صوتنا عابر
والمدى أصبح منابر
ع الوشوش سطعت بشارة
تمحي طغيان المكابر
زهوة الصورة يوتوبيا
ملهمة للإنسانية
ربما للبعض فوبيا
أو هواجس غير سوية
ياشهيدنا ف الأعالي
قد إيه المهر غالي
دمك المسفوح فدانا
وانت واقف لا تبالي
كان ربيعنا ف الملامح
قد إيه طيب مسامح
مصر يا ورد الجناين
من عرقنا المسك فايح
وعينا الفاهم هيطرح
بالخضار وهيحي يابس
لو سراب الشوف يراوغ
فالضمير الحي حارس
لسه هنغني لبهيه
والمطالب هيا هيا
الأمل ف ربيع قلوبنا
وف زهور بكره الندية
تعليقات
إرسال تعليق
أترك تعليق